من تراث بيروت الاجتماعي الشعبي

(الصورة لعائلة بيروتية من آل العيتاني في ثلاثينات القرن الماضي)

الحزازير:
1. طاسة فوق طاسة، بالبحر غطاسة، من جوّا لولو، ومن برّا نحاسة.
2. بيت أخضر وسكانه عبيد، معاشه من الله ومفتاحه حديد.
3. أسود أسود متل الليل، مانّو ليل. بينقر بالدار مانّو فار، بياكل شعير ومانّو حمار.
4. سمكتي بالمي والمي حاويها، سبحان من خلقها عضم ما فيها.
5. شي برق برق، واختبا بين الورق.
6. حجر حجر جر، حجر.. لأ. رقبة طويلة جمل… لأ. بيبيض البيضة دجاج… لأ. بيمشي على الأربعة حمار… لأ.
7. صحن صيني أزرق. فيه اللولو بيغرق. فيه كعكة شاكية. إحزر شو هيه؟
8. في شي بالقرنة وعينه بتجقرني.

(حاول حل الحزازير قبل رؤية الأجوبة تحت)
.
.
.
.
.
.

1. الرمانة
2. البطيخة
3. النمل
4. اللسان
5. السيف
6. السلحفاة
7. السماء والقمر والنجوم.
88. القنديل